SICCA seu SICCA VENERIA

SICCA, seu SICCA VENERIA
Ptol. et Procop. Veneria Solino c. 30. colonia et urbs Africae mediterr. media inter Cirtam ad Occasum et Narangaram ad Ortum. Ei sine dubio nomen id Poeni, Phoenicum exemplô, qui Assyrios ac Babylonios imitati sunt, a Sucoth vel Sicoth Benoth, Veneris Templo, apud Babylon. imposuerunt. Significat autem vox haec, Tabernacula filiarum, quod Babylone, in Templo Veneris Uraniae, Virgines tempora corollis religatae amatores suos operirentur, qua de re Herodot. Musâ primâ: et a Benoth, Veneris nomen Ioh. Seldenus non absque ratione deducit. A' veneris vero Fano Siccae urbi nomen fuisse, vel fidem fecerit illud Valerii Max. l. 2, c. 6. ex. 15. Siccae est Fanum Veneris, in quod se Matronae conferebant, atque inde, procidentes ad quaestum dotes corporis iniuriâ contrahebant, honesta nimirum tam inhonestô vinculô coniugia iuncturi: Pluribus hoc idem Seldenus, de Diis Syris Syntagm. 2. c. 7. Vide Voss. de Idolol. orig. ac progr. l. 2. c. 22. Hîc postea Episcopatum fuisse institutum, notum est ex Historia Eccl. Inde oriundus Proculus Grammaticus Latinus, quô inter alios Marcus Imperator usus legitur, apud Iul. Capitolin. c. 2. Usus ---- quottidianis Latinis, Trosio Aprô et Pollione, et Eutychiô Proculô Siccensi: ad quem locum vide Casaubonum.

Hofmann J. Lexicon universale. 1698.

Look at other dictionaries:

  • AFRICA — I. AFRICA quae et Libye; Graece dicitur, ab α privativo, et φρίκη horror, quasi sine frigore (ita enim veteres Grammatici nugari amant) una ex tribus orbis terrae partibus, in meridiem vergens, mari Mediterraneo ad arctos, Oceano ad occasum,… …   Hofmann J. Lexicon universale

  • NUMIDIA Propria — pars erat Africae, inter Africam propriam ad Ortum, Sitifensem ad Occasum, Gaetulos ad Meridiem et mare Mediterraneum ad Boream. Uhi nuno regna Bugiae et Constantinae, in regno Algerii, in ea populi erant Circesii et Natabutae. Numidicus vero… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.